Home News Amasengejje

Amasengejje

Catch our luganda news bulletin everyday at 7PM only on NBS tv.

Omulundi ogusookedde ddala gavumenti egasse abagole mu kikungo, ng’emigogo gy’abagole egiwerera ddala 5 gy’egigattiddwa mu bufumbo obwa gavumenti, obumanyiddwa ennyo ng’obwa Ddiisi. Ekitongole ekivunanyizibwa ku kuwandiisa ebitongole ekya URSB ky’ekikoze omukoze omukolo ogw’okukubisa bano ebirayiro, era ne bafalaasirwa okukuuma ebiragaano byabwe.
Zinadda okunywa mu mpaka z’omupiira eza University anti akalulu kawedde okukwatibwa era tiimu 4 ezaayitamu ku semi finals zimaze okusengekebwa. Uganda Martyrs Nkozi yaakuttunka ne Nkumba, ate Kampala University bugyefuke ne Makerere.
Omusujja gw'ensiri gukendedde.
Ekitongole URA kyakwongera okusomesa abawi b'omusolo
Palamenti kyadakyi esambazze ebigambo ebibadde byogerwa nti ababaka ba palamenti bona bayimiriziddwa okwongera ku kavuyo akaliwo ku Lwokusatu lwa wiiki ewedde abakuumaddembe bwebaakozesa ekifuba okuggya ababaka mu kisenge ekiteesezebwamu. Bino byonna biddiridde omubaka wa munisipali y’e Arua Ibrahim Abiriga okutegeeza bannamawulire ku paalamenti nti yafunye ekiragiro ekikakali nga kimugaana...
Abantu abasoba mu 500 bebakonkomalidde ku mwalo gw’e Sebagolo ku nnyanja muttanzige mu District y’e Hoima oluvannyuma lw’okudduka ekibambulira ekiri ewaabwe ng’entabwe eva ku mawanga abiri agasangibwa mu ssaza ly’e Gituri mu Congo omuli eggwanga lya Lendu awamu nebannaabwe aBagegere abasazewo okugwangana mu malaka.
Oluvanyuma lw’okusamba eddakiika zonna nga tiimu ye ggwanga the Cranes ekuba eya Comoros olunaku olw’eggulo, abasambi Murshid Juuko ne Nicolas Wadada olwaleero balagiddwa omukwano ogwensuso okuva mu bawagizi babwe ku kyalo gyebawangaalira eky’e Entebbe. Abavubuka bano babukeezezza bwankokola okugenda okukima abazira baabwe e Mutundwe ku wooteri ya Serene gyebabade mu...
Abatuuze b’e Mitooma baagala Gavumenti ebannyonnyole lwaki n’okutuusa kati eremeddwa okubatuusizza eddagala n’ebikozesebwa ebirala mu malwaliro. Abasawo mu malwaliro ga Gavt nabo beesamudde ebigambibwa nti babba eddagala nga bagamba nti bafuna eddagala lya lubatu eritayinza kumala balwadde abayiika mu malwaliro ago.
Okuyita mubyemizanyi bingi ebisobola okukolebwako nabe Kawanda okugula ebitanda by’eddwaliro basazeewo kuteekateeka misinde egyokwetolola ebyaalo era Naluggwa awangudde eza KM EMU.
Ssabasumba ow’essaza ekulu erya Kampala Dr Cypirian Kizito Lwanga alaze obwenyamivu eri banayuganda bagamba nti ensimbi bazirya kazibikira ngato, mpaawo alina mutima gwakutereka nga kino kivuddeko obwaavu okusenkenya abantu kumpi kubatuuka ku magumba. Abadde ku Ekeleziya ya Mother of Africa nga bakuza emyaka 47
Ebitongole byo bwakabaka bisusuza okweyagaliza anti buli kimu kyekolera byekyo tekifa kubirala. Katikkiro wa Buganda Charles Peter Mayega alabudde bana bitongole omuzeguno bagukomye bunambiro kubanga guza emirimu gyobwakabaka emabega. Katikiiro bino agyogeredde mulusirika lwa bakulu bebitongole mu abyejawulo mu Buganda olubadde e Ndejje mu distulikiti ye Wakiso.
Newankubade OLUGUUDO OLUVA MU Nyendo okudda e Bukakata ku mwalo lwelumu kwezo ez’enkizo mu byobusuubuzi bwolutukako wewunya kuba lwerumu kwezo ezisinga okubeera embi era ezikaalubirizza ebyobusuubuzi mu kitundu kino. Wadde luzze emirundi mingi luteekebwa mu ,mbalirira naye terukolebwa ekiwalirizza abantu baayo okutandika okwenyiwa nokwekokola Gavumenti eramula kuno nti kirabika ekola...
Ababaka ba paalamenti 8 ku kakiiko k’amateeka basazewo okuwandiika alipota ewakanya alipota yabangi ku baago ly’e tteeka lyomubaka Raphael Magyezi. Ababaka bano bagamba nti akakiiko tekebuuza kimala ku Bannayuganda kiki kyebogera ku nsonga eno. Kati bano beegatiddwako ababaka abalala abawakanya ebbago lino era beerayiridde okulemesa ebbago okuyitamu nga bagamba...
Ddalala agalI awamu gegaluma ennyama, abakyala baabano ku kyalo Kaso ekisangibwa e Bombo abasalawo okukozesa ebintu ebibeetoolodde okufuna ekigulira magala eddiba wamu n’okukuuma obutonde bw’ensi nga bayita mu kuzimba ebyoto ebikekkereza enku. Naye abaffe omanyi engeri ekyoto kino gyebakizimbamu?
Akakiiko k’eggwanga akavunaanyizibwa ku by’emizannyo aka National Council of Sports kalidde mu ttama, nekaboggolera akakiiko akatwala omuzannyo gwa Olympics aka Uganda Olympics Committee okwetuminkiriza n’okunyomoola ekiragiro ky’abakulu bano ku nsonga z’okulonda obukulembeze. NCS egamba nti emputtu aba UOC gyebaayolesa olwomukaaga lwa sabiiti ewedde bwebaddamu nebalonda William Blick okuddamu okukulira Olympics...
Ekitongole ky’omusolo ekya ekya Uganda Revenue Authority kitandise okutunda ebyamaguzi ebyasigala mu ssemaduuka eyali owa maanyi mu Uganda ne Kenya Nakumati Kino kikoleddwa okusobola okufuna omusolo ogubabanjibwa
Ng’okulonda ku kifo kyomubaka omukyala mu disitilikiti y’e Iganga mu palamenti kubindabinda,abawagizi babamu kubesimbyewo batandiise okukola efujjo ekilesewo obunkenke naddala wakati wa munakibiina kya NRM ne FDC. Wowulirira bino ngabamu kubawagizi benjuyi ebbiri bali mukunyiga biwundu oluvanyuma lwokwekuba emizibu.
Bagamba eddimu lyayorekedde ddene
Abantu abalina emisango mu court e Mubende bakonkomalidde ebweru wa court olwa leero oluvanyuma lwe misango gyabwe obutawulirwa olwa akeddiimo kabawabi ba government akatandiise eggulo. Kino kidiridde abawabi ba government (prosecutors) okugana okukola n’olwa leero olwensimbi entono zebafuna