Amasengejje

Catch our luganda news bulletin everyday at 7PM only on NBS tv.

Police etegezezza nga kati bwetandise okufuna obwangu okunoonya abazzi bemisango, oluvanyuma lwaokuteeka Camera kalondoozi mu bitundu bya kampala ebitali bimu. Police egamba abasazi bensawo wamu naabo abatomera abantu nebadduka kati kyangu okubafuna obutafanana nga bwekibadde nga tewali Kamera.
A Group of Makerere University Business School students has devised means of helping their colleagues at risk of dropping out due to financial constraints. The students have resorted to car washing to raise money, which is then distributed to the neediest of their colleagues.
Musaayi muto wa Vipers Julius Poloto yoomu ku baana abatoo abasinga okuzannya omupiira mu liigi y’eggwanga eya Startimes Uganda Premier league. Ono yanyumizamu n’omusasi waffe Grace Mbabazi namubuulira olutabaalo lwe.
Abayizi ku ttendekero lya Makerere University Business School nabo basazeewo okwegatta ku lutalo olw’okusindikiriza ekyokukozesa obuveera, nga kawefube ono bamutandikidde ku ttende.
Enkya yaleero abagoba bebidduka abakozesa oluguudo lwa Kira okumpi n’ekitebe kya NBS emitaafu gibetimbwe obwenyi ngentabwe eva kuba Turafika abakedde okubasulako ekiddo. Embeera eno etuuse nokusattiza ba Dereva.
Abaana abaali babungetera ku nguudo zo mu Kampala abawera 50 olwaleero batikiddwa oluvanyuma lwokukuba emisomo oluku mutwe. Bano bannakyewa abekitongole ki 91 Four ministry international bebaggya ku nguuddo z’omukisenyi era bebbabadde babasommesa . Wabula abaana bano bekokola banakampala.
Abakyala abakakasa nti bebanyini ttaka Gavumenti kweyagala okusengulira abantu abakubwa enjega ye Bududa , ettaka bweryabumbulukuka, basazeewo ensonyi okuzisiba ku nkondo nebasalawo okweyambulira abakulu abavudde mu wofiisi ya sabaminisita nga bakulembeddwamu Kamisona avunanyizibwa ku nsonga z’ababundabunda Rose Nakabugo nga bano babadde bagenze okulambula ettaka lino bano kyebawakanya.
Abatuuze abaagobwa ku ttaka ku kyalo Kirangira mu Disituliti ye Mukono bakyali mu bweralikirivu n’okuwamanta kyabazza eri omumwa oluvanyuma lw’okumenyebwa amayumba gabwe n’okusanyawo emmere yabwe nga bagobaganyizibwa. Gyo lyabalamu omukulembeeze yabaddeko mu kitundu kino, era nayimiriza ebyobutagoba bantu kuttaka, naye tuzeeyo okuzuula embeera bano gyebalimu, abamu tusanze bafuuka dda...
URA FC ekoze amaliri ga zero zero ne Nyamityobora kukisawe kye Namboole mu mupiira gwa Startimes Uganda Premier League mu mupiira ogulagidwa ku Sanyuka TV. Shafiq Kagimu asubidwa peneti mu kitundu eky’okubiri era kati Nyamityobora erina obubonero buna nga yakawangula omupiira gumu nekubwa ena nga gano gemaliri gabwe agasoose.
Abasuubuzi abeegatira mu kibiina kya Kampala Arcaders trader’s Association bawemukidde abakulembeze ba KCCA ababasibyeko okusasula sente z’akasasiro ne Kaabuyonjo kyoka nga pulezidenti Museveni ensonga eno yagigonjola.
Yunivaasite y’obusiraamu mu Uganda eya IUIU erangiridde nti egenda kutandika okugaba diguli mu masomo ga ssaayansi naddala obwa nnaansi nobwa yinginiya ne diguli eyookusatu mu masomo agenjawulo mu kaweefube gwebaliko owokusitula ebyensoma mu ggwanga. Ekyama kino kibikkuddwa amyuka ssenkulu wa yunivaasite eno dr Ahmad Sengendo olwaleero.
Minisitule y’ebyobulamu yakutandika okugema abasawo ku nsalo ya uganda ne Democratic republic of Congo okubatangira okufuna ekirwadde kya Ebola ekyazinda ensi eno Okusinzira ku ministry yebyobulamu eddagala dose 2100 lye lyakafunibwaawo nga lino lyakuweebwa abasawo bokka kubanga bebakebera abava mu DRC.
Abakyala bo mu district ye Pader ku kyalo Pajule basabiddwa bettanire okulima emmere ebeezaawo abaana baabwe mu kifo kyokudda ku baana baabwe. Minisita omubeezi owebyettaka Persisi Namuganza yalabudde abakazi bano bwabadde akwasa abantu be pader ebyapa
Mu kaweefube w’okukendeeza ku Misango egikwata kubutabanguko mu maka n’okukabassanya abaana, essiga eddamuzi lireese enkola eyenjawulo eyokulamulamu emisango ekika kino. Mu ngeri eyenjawulo,Kkooti zino zaakutuulanga mu bitundu ebyenjawulo okumala ekiseera ekigere, nga bwebasiisiira mu kitundu abalamuzi bavaawo bawulidde ssaako okusala emisango gino egyetuumye ennyo mu ggwanga olwo nebagenda mu...
Ssabadumizi wa Poliisi muggwanga Martin Okoth Ochola olwaleero alumazeeko ngatalaga lugazi mukawefube wokutereeza empereza mu Poliisi. Ono abadde awerekeddwako abanene mu Poliisi abawera, asisikanye abaduumizi ba Poliisi bonna mukitundu kino saako nabaserikale abamayinja okuva mudisitulikiti omuli Kayunga, Buvuma ne Buikwe ezimanyiddwa nga ettundu tundu lya ssezibwa.
Omusomesa eyawumula ate nga yabadde akulira banka emu eyobwegassi mu Kibuga Semuto nga atemera mu gyobukulu 85 nga mutuuze mu district ye Nakaseke alumbiddwa abatamanya ngamba mukiro ekikeseeza olwaalero nebamutematema ebiso okutuusa lwafudde. Abazigu bano tebakomye okwo, nemukyale we bamuleseeko kikuba mukona era nga wetwogelera ali muddwaliro apooca ekintu...
Olunaku lwa November nga 1 lwe lumu ku nnaku enkulu ennyo mu bagoberezi ba kristo anti lwe lwabatukuvu bonna era mu mawanga agamu luba lwa kuwummula. Abamu babadde bagenda mu masinzizo okwebaza katonda olw’ekirabo eky’obulamu nga bannayuganda abamu bali mu miranga bakowoola katonda abataase ebizibu byebalimu.
Eyali omuteebi wa Vipers SC Erisa Keith Sekisambu yegasse ku Gor Mahia eya Kenya mu ndagaano ya myaka etaano. Sekisambu twogeddeko naye ku ssimu natubuulira ekyamuwaliriza okugenda e Kenya.
Abakugu mu byenfuna bategeezezza nga gavumenti okulemererwa okubunyisa tekinologiya saako n’okuleeta enkola y’okuyisa ensimbi ku mutimbagano ky’ekivuddeko kumpi bangi okusigala nga ensmbi bazitereka mu bucuupa.
Olw’omuwendo gw’abantu abeyongedde obungi abakozesa ekisaawe ky’enyoonyi Entebbe, abateekereteekera ekisaawe batemye evunike okuzimba ekifo awagenda okwazibwanga abantu abayingira ekisaawe. Akulira ekisaawe ky’e Nnyoonyi ategezezza nga okuzimba ekifo kino bwekigenda okwanguyiza abagenda ku kisaawe okukeberebwa okusinga nga bweguli kati nga balwa mu nnyiriri.