Amasengejje

Catch our luganda news bulletin everyday at 7PM only on NBS tv.

Gav’t ya Uganda eri mu kaweefube wakuteeka kitundu kya Karamoja kumulembe, ngezimba enguudo wamu nokutuusa amasanyalaze eyo jegabadde teganatuuka okusobola okukulakulanya ekitundu ekyo. Karamoja nabasigansimbi tebanaba kugyetanira olwebbula lyamasanyalaze, Amazzi nenguudo ezitambuza abantu. Omusasi waffe kayongere okulambulula ….
Akulira emirimo mu maaka gobwa presidenti Ruth Nakyobe kyadakyi aludde nalangira banna uganda abasabiriza presidenti ensimbi nga agamba nti omuze guno guyitiridde ela guswaaza eggwanga. Nakyobe wamu nabakungu abalala nga balabiseko mu kakiiko ka palamenti akakola ku nsonga zobwa presidenti bategezeza ababaka nti ennaku zino abalebeeta presidenti bayitiridde nga kumpi...
Embera yababaka ba paalamenti abateeberezebwa okugulibwa akasawo ka sukaali okuva e Mayuge kwossa n’ensimbi akakadde kamu eyongedde okwononeka oluvanyuma lw’ababaka abamu okuwandiikira sipiika Kadaga asseewo akakiiko akenjawulo kabanonyerezeko. Ababaka bano nga bakulembeddwamu omubaka Mathias Mpuga ne Gerald Karuhanga bagamba nti ababaka bano battattana nnyo ekitiibwa kya paalamenti ela basaana bakanggavulwe...
Omulamuzi wa kkooti y’oku Buganda Road kyaddaaki ayongeddeyo okuwozesa kw’omusango gw’obutemu oguvunaanibwa omuserikale wa poliisi Aaaron Baguma mu kkooti enkulu ayongere okuttunka n’ogwokutta omukyala Donah Betty Katushabe. Kino kiddiridde oludda oluwaabi okutegeeza kkooti nga bwelumaze okukungaanya obujulizi obumala okuluma abavunaanwa nti ddala beekobana n’ebawamba omugenzi, nebamubbako ebintu ebbimu kko n’okumutemula.
Kyadaaki eyali akulira abayeekera ba ADF Jamil Mukulu asindikiddwa e Luzira gyanaava atandike okuwerennemba n’emisango gy’obutemu. Jamil Mukulu amaze ebbanga erisoba mu mwaka gumu mu kaduukulu ka Poliisi ng’oluleeteddwa mu kkooti nakuba emmeeeza olw’embeera yye ne banne mwebayisibwa gyebagamba nti tewoomera nnakabululu.
Wadada ne Jjuuko Batwaliddwa nga Bazira, Basambye Eza Uganda Cranes
Oluvanyuma lw’okusamba eddakiika zonna nga tiimu ye ggwanga the Cranes ekuba eya Comoros olunaku olw’eggulo, abasambi Murshid Juuko ne Nicolas Wadada olwaleero balagiddwa omukwano ogwensuso okuva mu bawagizi babwe ku kyalo gyebawangaalira eky’e Entebbe. Abavubuka bano babukeezezza bwankokola okugenda okukima abazira baabwe e Mutundwe ku wooteri ya Serene gyebabade mu...
Akakiiko ka paalimenti akalondoola eby’obusuubuzi mu bbanga ely’emyezi esatu egijja, kasuubira okubaako ennongosereza zekakola okusobola okutangaaza ku ngeri abagwira naddala aba China gyebakolamu emirimu gyabwe wano mu ggwanga. Kiddiridde akakiiko kano okukizuula nti abachina bangi abakola obulimu limu ate obwandikoleddwa bannansi.
Abantu abawera e 11 bagudde mu bajambula nga bava mu ggwanga lya South Sudan, okudda e Uganda era bana ku bbo tebannamanyibwako mayitire. Tekinnamanyika oba nga bano bagudde mu bayeekera oba bagudde mu babbi bubbi anti abamu basangiddwako ebisago ebyamaanyi nga waliwo neyakkiridde ekaganga. Salma Namwanje katuwe ebisingawo
Mu ggwanga elya Rwanda, olukungaana lwa bamusiga nsimbi lwatudde dda mu kibuga Kigali era nga luno lwetabiddwako n’abakulembeze b’amawanga okuli elya Rwanda ne Uganda. Omusasi waffe Bahati Remmy asobodde okutuukilira omukulembeze w’eggwanga Yoweri Kaguta Museveni n’ebawayaamu kko era ku nsonga ezikwata ku lukungaana luno n’endala.
Abakungu ba gavumenti ab’enjawulo beesozze olusirika lwa nnaku ttaano okusobola okwegeyaamu ku biki ebikoleddwa n’ebikyaabasoomoza mu kisanja. Olusirika luno nga lutandise lwaleero ku Commonwealth Resort e Munyonyo lugguddwawo ssabaminisita Dr Ruhakana Rugunda era nga lusuubirwa okuggalwawo omukulembeze w’eggwanga Yoweri Kaguta Museveni.
Amalala agavudde mu kkooti, Nnamwandu w’omugenzi Kasiiwukira Sarah Nabikolo leero lwatandise okwewozaako ku musango ogumuvunaanibwa ogw’okuba n’akakwate mu kufa kwa bba. Nabikolo yeeganye ebigambibwa nti yakwata mu k’awaligo n’abaako basasula okumuttira bba. Nga ayambibwako munnamateeka we McDusman Kabega, Nnamwandu era yesambidde ddala ebigambibwa nti okutuukiriza ettemu lino yeekobaana ne muganda we...
Eyali sentebe wa district y’e Busia Adea Ouma olusirika lw’abakungu ba gavumenti terumutambulidde bulungi bwakwatiddwa olw’okweyita kyatali. Ouma okukwatibwa, kiddiridde omwami ono okwewandiisa nga ssentebe wa District ye Busia kyokka n’akataayi kabadde tekannasala, ssentebe wa district omutuufu naye n’atuuka era neyeyanjula. Kireesewo obwezigoolo era oluvannyuma abakulidde eby’okwerinda nebalagira Adea Ouma akwatibwe...
Ekivvulu kya buli mwaka ekya Radio Ssimba ekimanyiddwa nga ekiggunda ky’omwaka kiyindidde Kavumba wakati mu kusagambiza. Ekiggunda ky’omwaka guno radio Ssimba mwejjuukiridde emyaka 18 bukya Radio Simba egenda ku mpewo Okusinziira ku mwogezi wa Radio Simba JJ Semanda agamba omulundi guno baayagadde okugenda mu bitundu ebyewalako okusaasaanya leediyo eno.
Kkooti e Jinja eragidde Yunivaasite y’ekkanisa ya Uganda Christian University okuliyirira abavubuka ababiri abaali basoma amateeka abaagobwa mu Yunivasite eno. Abavubuka bano baali bawakanya ekya Yunivasite okubongeza ebisale. Wabula omulamuzi alagidde basooke baliyirirwe ensimbi zebanaasasanya mu byentambula olwo omusango gugende mu maaso.
Ssabawaabi wa gavumenti aggye emisango ebiri ku bayisiraamu abavunaanibwa ogw’okutemula ba maseeka mu bitundu by’eggwanga ebitali bimu. Emisango egibaggyiddwako kwekuli ogw’okubeera n’akakwate ku kibinja ky’abayeekera ekya ADF n’emisango egy’ekuusa ku kutulugunya abantu. Kino kitegeeza nti Sheikh Kamoga ne banne abalala ekkumi n’abana (14) basigazza emisango ena okuli ogw’obutujju, ogw’okugezaako okutta, n’emisango...
Minisita w’ebyobulamu Ruth Aceng era talabiseeko mu paalimenti nga bweyali asuubiddwa okulabikako attaanye ku buddo bw’abayizi abayiga obusawo abeekalakaasa gyebuvuddeko olw’ensako yaabwe. Dr Aceng yali yalaalikibwa okulabikako naye kino n’olwaleero tekisobose ekinyiizizza ababaka ababadde bamaze n’okutuula. Sam Ibanda Mugabi abaddeyo mu paalimenti.
Oluvanyuma lwemyaka egikunukiriza mu makumi 40, Uganda Cranes ezeemu okuwandiika ebyafaayo, bweyiseemu okwesoga empaka ezakamalirizo ez’ekikopo ky’Africa ezigenda okuyindira mu Gabon, naye biki ebigenda okuva mu kino, Ssebakijje katunyonyole
Ababaka abatuula ku kakiiko ka Palamenti akavunanyizibwa ku bugagga obw’ensibo bagala Gavumenti eyongere amanyi mukukakasa nti banayuganda abawera bafuna amasanyalazze. Ababaka webasabidde kino, nga kigambibwa nti kati Uganda egenda kufulumya amasanyalaze nokufika gafikke. Dr Kiwanuka agamba nti tekiba kyabuvunanyizibwa okufissa amasanyalaze nga waliwo banayuganda abatagalina.