Amasengejje

Catch our luganda news bulletin everyday at 7PM only on NBS tv.

Omukulembeeze w’egwanga asisinkanye akakiiko ka Palamenti akavunanyizibwa ku bugagga obw’ensibo nga bano bebabadde banonyereza ku kampuni ezikola ogw’okusima omusenyu mu Lwera, era nga kigambibwa nti bononye obutonde nebakunakuna. Mungeri yemu n’ensonga zebbiniro lyamasanyalaze erye Kaluma ne Isimba nazo zogeddwako, nga kigambibwa nti eno emirimu bagikola mungeri yakaligweramu eyo.
Abazadde abasinga bwebamala okusasula ebisale basigaza kimu kutunulira basomesa okulaba nti abaana baabwe bayita bulungi,songa nabazadde balina omulimu kunsonga yokuyita kwabaana babwe, abaffe gwe ng’omuzadde omwana omuteeseteese otya?
Abatuuze kukyalo Bukagabo ekisangibwa mu ggombolola ye Malongo mu disitulikiti y’ e Mayuge olunnaku lwaleero bakeredde mu kiyongobero oluvanyumal lwabenju emu bataano okuweebwa ekiteberezebwa okuba obutwa okukakana ng’omu afudde ate abalala bataawa.
Sabalabirizi w’ekanisa ya Uganda his Grace Stanley Ntagali awanjagidde banayuganda okwejiramu ddala omuze ogwokubba ettaka lyabalala, kuba kino kivaako entalo n’obutabanguko mu bitundu . Ntagali era awadde banayuganda amagezi nti ettaka bwebaba tebalina kyebalikolerako balipangise nga kino kubataasa ku babbi b’ettaka.
Abali mu mulimu gw’okulunda enkoko bawereddwa gabuwa, okukola enteekateeka ennungi bwebaba nga balina esuubi lyokufuna mumulimu guno.
Gavumenti yakuno eri mukawefube owokullaba nga womwaka gwa 2022 wegunatukira nga buli kyalo kiriko amasanyalaze era nga buli nyumba 26 kubuli kikumi zirina amasanyalaze. Wabula okusinziira kubakola ogwokubunyisa amasanyalaze kino kiyinza okubbeera ekizibu kubanga ekitonngole kisanze obuzibu bungi mubabba ebyuma nne waya zamasanyalaze ekibalemeseza okukola obulunngi ogwabwe era ekigenda okullemmesa...
Poliisi e Iganga eriko omusawo w’ekinansi gwekutte neggalira ngono kigambibwa nti abadde afukidde ekitundu kyonna ekyambika, Akwatiddwa ye Hamis Mulambuzi, wabula ye Mutabani we Isma Lukungu amaggulu gamweyimiridde, oyinza okugamba nti mukadde kano alira ku nsiko nga ggunju.
Tukyeyongerayo nenteekateeka zaffe ku kikwatagana n’enkunza y’ezadde eddungi leero katulabe biki omukyala w’olubuto byalina okulya okusobola okufuna omwana omulamu obulungi. Dr Charlse Kiggundu omukugu mu nsonga z’abakyala atunyonyola.
Abasubuuzi abakakalabiza egyabwe mu katale ke Kafu nga kano kasangibwa ku luguudo lwa Kampala Gulu bawadde akulira ekitongole ekivunanyizibwa kukuuma ebyomunsiko Dr Andrew Sseguya sabbiiti emu okwetonda olw’okugamba nti oomukyomo gwebaliisa abantu nnyama ya nkobe.
Ekisawe ky’ebyemizannyo kikeredde mu kikangabwa oluvanyuma lw’amawulire g’okufa kw’omu kubanabyamizannyo abakukutivu mugwanga lino, Patrick Luwandaga, ngono afiridde mu maka ge wali e Namasuba. Bangi ku bantu bagamba nti Luwandaga abasadde nnyo.
Omwenge kyekimu ku bintu ebisinga okukyamula abantu, anti batuuka n’ogugeramu olugero nti omwenge mabinu, atanagunywako tabinuka, omwenge ensogola yagwo nayo ezze ekyukakyuka, Joyce Bagala alambuludde ensonga eno.
Abakulira amassomero agatali gamu mugwanga, bawereddwa amagezi okulowooza ennyo nga tebanaba kwewola nsimbi, bwebazuula nga zebagenda okwewola tezigenda kuza magoba baba balina byesonyiwa. Omuwandiisi ow’enkalakalira mu ministule ye byenjigiriza Dr Rose Nassali agamba nti embeera yebyenfuna mugwanga sinungi, nabwekityo abantu balina okuba abegendereza nga bewola, baleke kufiirwa.
Wuuno Nakalyango Angel atasobola nakusimbula kigere kyoka nga alina omwaka gunu nemyezi 7 lwakimbe kyamutima era asaba buyambi bwo. Abasawo bakyetakula omutwe nejebuli eno kukiki ekivirideko abaana abazalibwa ensangi zino okubeera nekimbe kyo’mutima ,anti kubuli 1000 ,100 babeera nekimbe kino.
Abantu banji banyumirwa okugula ebifananyi, byebatimba mu nyumba zaabwe, n’ekigendererwa ekyokunyiriza amaka gabwe, abamu babigula nga tebamanyi namakulu gabirimu. Kakati sabasumba w’essaza ekkulu erya Kampala Dr Cyprian Kizito Lwanga awanjagidde abakuristu, nti baleke kumala gagula bifananyi nga bwebaba basanze kuba ebimu bijjuddemu sitaani ababonyabonya mu maka gaabwe.
Omubaka mu Palamenti ya East Africa Fred Mukasa Mbidde asekeredde ensi z’Africa ezitandiise okwewandukulula mu kooti y’ensi yonna, ng’agamba nti bano bamala byamubulago, kuba nebwebanakola batya tebagya gimaza mbiro bagya kumala bavunanibwe olwbikolbero byebenyigiramu.
Abasubuuzi abakolera ku Uganda equator webali basagambiza ng’akimezeza kwa musana, anti ensimbi bagamba nti kati bakolera ddala olwabalambuzi abeyunira ekifo kino. Bano batunda ebintu ebyenjawulo gamba ng’ebyemikono saako ebiraga obuwangwa bwa banayuganda era embeera bakakasa nti ssi mbi nakatono.
Abatembeeyi ku nguudo z’ekibuga Kampala Gavumenti bajifukidde akayinja mu ngato, anti ekanya kubasindikiriza nabo bagamba nti tebalina wakudda. Kakati Gavumenti egamba nti abatembeeyi bonna abanava ku nguudo, Gavumenti egenda kubawa ku nsimbi okwongeera mubyebakola , era nga anasalawo okulemera ku kkubo teyevumanga Gavumenti kuba ekibuga kirina okuddamu okuterera.
Ekibba ttaka mu Uganda tekikyataliza lya Gavumenti nalyabwananyini, anti lyonna abagezigezi balifunirako ebyapa. Minitule yekikula ky’abantu weeri erajana anti ettaka lyaayo e Nagulu ne Kampiringisa balibba dda, nga nebyapa babirina era kizibu okumala gabasindikiriza, ekyeralikiriza abakulu mu ministule.
Mu mpaka za Azam Premier League, ttiimu ya KCCA olwaleero egudde ku ya Poliisi negiwuttula goolo ssatu ku emu mu kisaawe kya Phillip Omondi e Lugogo. Goolo zino ziteebeddwa Geofrey Serunkuuma ng’ono ateebyeko bbiri ne Derrick Nsibambi. Kino kitegeeza nti KCCA kati esinga Vipers eri mu kyokubiri obubonero busatu bulambirira. Mu mirala...
Omusomo gw’akakiiko akatwala emizannyo gya Olympics mu ggwanga aka U.O.C gukomekkerezeddwa olunaku olwaleero ku hotel ya Imperial Royale mu Kampala nga abakungu abasobye mu makumi 40 okuva mu bibiina ebitwala emizannyo egyenjawulo beebagwetyamu. Bano babanguddwa mu bukodyo obwokujjanjaba bannabyamizannyo ssi nga baba bafunye obuvune.